Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Toinsanan puru miiso ginawo potilombus piuludan

Musa Aman (tanga) miampai barisan Kabinet pogun popokito pason Toun Wagu Sina i ramaion do mogigion Tiong Hua diti tadau ko-19 tulan Koduo diti. - foto JKM
Musa Aman (tanga) miampai barisan Kabinet pogun popokito pason Toun Wagu Sina i ramaion do mogigion Tiong Hua diti tadau ko-19 tulan Koduo diti. – foto JKM

KOTA KINABALU – Aiso tiyonon montok ‘prejudis’ tinaru om mogowit pioduhan ugama id Sabah, nga toinsanan puru apatut kasasari sumambayang moi kotilombus ogirot o piuludan id pogun diti poompus timpu.

Id porutusan Toun Wagu Sina, Boyoon Montiri Datuk Seri Musa Aman minoboros do koubasanan mamantang om kopirati tiso om tiso nopo nga tuod 1Malaysia ih laid noh noubasanann id pogun Sabah.

“Sundung do ingkaa, miagal di noboros ku pogulu diti, koruol kopio ginawo soira haro tinimungan toi ko misosongulun amu kitonggungan mumbal momunso toi ko mamabak kaamanan, piuludan om kotanangan ih laid nokotimporon id tanga mogigion mogisuai-suai tinaru om ugama.

“Sabap diti, apatut tokou mintong-intong om amu papasaga tinan tokou sondiri kosiliu puru nokomoi om momonsoi laang di kopogowit ralan amu osonong lolobi kopio ahal karait tinaru om ugama.

“Potosolon ku poh kawagu, aiso tiyonon montok di prejudis tinaru om piuhadan ugama id Sabah, om kasasari tokou sumambayang moi kotanangan id pogun diti potilombus ogirot,” ka disio.

Ka di Musa, apatut o rayat mogihum koubasanan di kaanu popiiso diolo sabagi rayat Malaysia om id timpu diloo poposindak sunduan pirotian toiso om tiso.

Tumanud disido, miagal di toun-toun nakatalib, pamaramaian Toun Wagu Sina kaanu silihon do impohon montok poposindak piromutan toiso-iso mogigion mogisuai suai tinaru om ugama maya koubasanan tombului.

“Manahak oku jominan kumaa mogigion do Sina id Sabah do sokodung dahai potilombus kumaa id kotundaan om komogoton sikul Sina, kuil om ababayan koubasanan.

“Porinta pogun nga tumilombus manahak sakadai kousinan montok sikul Sina om Kuil. Iti noh batos tokou kumaa mogigion do Sina. Id timpu dilo, monokodung tokou nogi kotinanan ngawi Sina okon ko porinta ih mingisom papalantoi ababayan balajaran om kobajikan,” ka disio. – Dii oleh Sitti Nor Azizah Talata / SayangSabah

Komen


Berita Berkaitan