Sayang Sabah Facebook

Likes
Sayang Sabah Twitter

11,645

Followers

Sayang Sabah - Portal Berita Negeri Kita

TM SME Bizfest manahak kosiwatan pongusaha tokoro pointutun produk

10:41pm 12/05/2016 Maryann 6 views Abal Kinoyonon,Kinoyonon,Kota Kinabalu

raymond
KOTA KINABALU: Bohogian pomorunan tokoro om uha-uha (PKS) Sabah nokoponurat koburuon obuuon kopongunsub ilo nopo nga 65 pihatus id suang timpu limo toun gisom 2014 miampai lobi 40,000 PKS, ka di Boyoon Montiri Datuk Seri Musa Aman.

Minoboros isido bohogian dilo nakaanu minoposurat koburuon kiginumu apat gisom limo pihatus potitikid toun.

“Id Sabah, haro kurang lobi 40,884 popoburu PKS ino nopo nga 6.3 pihatus mantad ginumu toinsanan PKS id pototongkop pogun.

“Koposisi tagayo PKS Sabah nopo nga mantad bohogian kotorinaan miampai popohompit 92 pihatus toi ko 37,612 PKS, sinusuhut do bohogian kapamansaian om kilang, pomorunan, pomutanaman, pongukadan om kuari,” ka disido id suang pason kopomoiganan seminar SME BizFest 2016 id doiti, di konihab.

Teks pason disido binasa di Kumoduo Boyoon Montiri Datuk Raymond Tan Shu Kiah, i nogi Montiri Kotundaan Pomorunan Sabah.

Minoboros i Musa, porinta pogun manahak pongintangan kumaa bohogian PKS miampai momonsoi mogisuai-suai pokimamahaan kaampai no kotundaan tangangayan, sakadai kousinan, kapamansaian do ngaran, kabaahan pongindopuan miampai infrastruktur montok papawakas bohogian dilo.

“Id suang timpu pongindopuan kawawagu di koponginam ontok timpu baino, kiguno kopio montok PKS tumilombus kotindohoi monongkiala miampai kagayo koburuon. Bohogian PKS nopo nga iso bohogian di kiguno id suang popoburu ikonomi pogun,” ka disido. – SayangSabah

Apa Komen dan Pendapat Anda

Artikel Berkaitan