Sayang Sabah Facebook

Likes
Sayang Sabah Twitter

11,733

Followers

Sayang Sabah - Portal Berita Negeri Kita

TLDM momoruhang duo poh kawagu aset id Sabah

11:05pm 27/04/2016 Maryann 0 views Abal Kinoyonon,Kinoyonon,Kota Kinabalu

tldm-600x367
KOTA KINABALU: Susumangod Rahat Diraja Malaysia (TLDM) pikikiro poiliu duo poh kawagu kapal ronda kawawgu (NGPV) id Sabah montok poingkawas poh kawagu pogintangan om panamangan koumoligan kowoigan pogun.

Panglima Wilayah Laut 2 Laksamana Muda Datuk Khairul Anuar Yahya minoboros do pomoruhangan duo poh kawagu aset koumoligan dilo posiliu apat NGPV id kowoigan Sabah.

“Do babaino diti haro duo (NGPV) ilo nopo nga KD Kedah om KD Perak do hiti. Om id timpu oruhai noh, duo poh kawagu korikot pomoruhang, montok mogintong kopio haro asset di kabagal montok madtamong koumoligan kowoigan pogun diti.

“TLDM miampai puru monguatkuasa do suai tumilombus mogintong om madtamong koumoligan pogun,” ka disio kumaa maganu habar kalapas Piborisan Istiadat kopihondot Kouliton Toun ko-82 TLDM id Padang Kawad KD Sri Kota Kinabalu Teluk Sepanggar, do hiti di baino.

Soginumu 60 puru TLDM mantad walu platun nakatanud ababayan piborisan dilo ih ponogi sinasi do Susumangod Rahat Jepun, ih minapaharo tombului id pangkalan TLDM Kota Kinabalu mantad tadau Koiso gisom Kaapat diti. – BERNAMA

Apa Komen dan Pendapat Anda

Artikel Berkaitan