Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tinimungan mononongoi momoguno PATI sabaagi ‘tali barut’ – ESSCOM

penculik2

KUNAK: Tinimungan mononongoi montok mokianu tobusan ih aparagat id koributon Filipina kikotumbayaan momoguno modidikot songkosuaian aiso kasagaan (PATI) sabaagi ‘tali barut’ montok papanau kasalaan dumarapas piolitan id Zon Atampasi Kosilahon Sabah (Esszone).

Monguhup Booyoon Staf Porisikan Kinoyonon Kotungoligan Poimbida Tisan Kosilahon Sabah (ESSCOM) Supt Che Aris Bakar minoboros do sabap dilo toinsanan puru kosuang nogi mogigion apatut miigit longon montok monguhup mamagampot sigompoton do porinta popoidu kinoyononn dilo mantad PATI.

Ka disio, koubasanan nopo nga tumpuan tagayo nopo tinimungan mononongoi nga id pomiaraan do sada id kukurungan, pongusaha bagang, rumpai laut, monginsada om nogi do babaino diti papaampai kinoyonon id solintana miagal restoran.

“Panangaian ih naantakan (id iso restoran) id Sandakan kikotumbayaan nuhupan do tulun mantad suang i mimang koilo kowowoyoon om tulun di tumpuan diolo. Okito kopio, Esscom nga kotoguang tulun taraat toi ko PATI ih hiti mantad suang pogun sabaagi panahak kointalangan,” ka disio.

Aris ih linansan di Komander Esscom Datuk Abdul Rashid Harun minoboros miagal dilo id ponguhatan pisimbaran suang ababayan pirubaan Esscom miampai mogigion monginsada Kunak do hiti di kawawagu.

Di tadau ko-14 tulan Kolimo nakatalib, apat kusai kisindata minonugku id Restoran Ocean King id Sandakan om minonongoi songulun palangan kusai om songulun tondu. – Bernama

Komen


Berita Berkaitan