PUTATAN: Puru Komontirian Komulakan om Sipoot pogun minokianu kumaa komulakan ngawi mooi rumijistor toi ko tumanud id suang koisaan komulakan di haro mantad montok monokodung impohon om ababayan kotundaan pogun lolobi id pogun diti.

“Komontirian kasasari monokodung kopoindalanan mogisuai-suai ababayan ih kaanu momonu rikoton om koporluan tinimungan komulakan,” ka di Montiri dai Datuk Tawfiq Hj Abu Bakar Titingan.

Tumanud disio, puru komontirian manahak do poruntukan soginumu RM1,000 sabaagi kopotimpuunan kumaa monikid koisaan di noturidong om kousinan RM 5,000 patahakon monikid toun kumaa koisaan di aparagat.

Minoboros isido miagal dilo soira minopotimpuun ababayan “Youth Got Talent” solinaid duo tadau.

Ababayan “Youth Got Talent” dilo kituduan poimbulai bakat-bakat id tanga komulakan lolobi id Sabah. – Sayangsabah