Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tinimungan forensik amu nakaanu minoposoliwan tinan id suang kukut

mayat-labuan

KOTA KINABALU: Kuut Takawas do hiti sinuudan do tinimungan forensik pulis amu nakaanu minoposoliwan tinan piro-piro tulun monoruang Sulu ih pinataam id iso kukut id Kampung Tanduo Lahad Datu sasabap naantakan mogititimbak id kampung dilo.

Boyoon Bohogian Ponoriukan id Kinoyonon (SCI), Supt Soo Me Tong minoboros do ontok tadau ko-6 tulan Kotolu 2013, tupisor monoriuk ACP Mohd Shariff Abdul Wahid minonuhu mongoi pomorisa kukut dilo om mogowit sumoliwan tinan-tinan nokomoi.

Mamaso papanau ponoriukan id suang kukut dilo, tupisor forensik dilo minoboros do: “Nokorongou oku tuni timbakan mantad sindata jenis automatik mantad toguang om nogi mantad ponong wanan”.

Soira minanahak kointalangan id bisara 30 misosondiri ih haro kogoitan ponoruangan tinimungan kusai kisindata Sulu id Kampung Tanduo, Lahad Datu ontok tulan Koduo 2013, ka dii Soo, soira naantakan mogititimbak, norongou disio boros monuhu pulis do mundur.

Ka disio, kinaantakan mogititimbak dilo naantakan solinaid sanjaam sitanga nga Mohd Shariff minomutus do monginsil pomorisaan id kukut dilo spira kowowoyoon nokosonong sonong.

Tupisor Monoriuk dilo minonuhu 90 tulun om puru pulis ih nakaampai mooi gumuli id Balai Polis Cenderawasih.

Tumanud dii Soo, id suang kukut nokomoi, haro siam tinan monoruang kirasuk susumangod om minoboros do tinan dilo nopo nga “noromuk om outong”.

Ka disio, kukut kinoyonon do tinan di nabantalan dilo sinompon miampai momoguno papan kayu om roun do piasau sawot om nogi tamangan do susumangod.

Sinunudan nogii dii Soo o kuut do pogulu dilo, ontok tadau ko-2 tulan Kotolu 2013, nakaramit isido piro-piro kakamot naahau, ilo nopo nga sindata tapuo om rasuk id Markas Taktikal VAT69 id Felda Sahabat 16.

Soira nakaramit barang naahau dilo mantad tupisor wanan VAT69 SAC Datuk Azizan Abdul Aziz, ka dii Soo sinuhu disio songulun puru dau montok maganu 30 gambar barangan dilo montok tuduan dokumentasi.- BERNAMA

Komen


Berita Berkaitan