Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tinimungan aiso konununuan amu nokorijistor kakal onuan sakadai

tawfiq

TAWAU – Tinimungan dii nointutunan aiso konununuan nga amu poh nokorijistor sabaagi mamaramit sakadai porinta, amu tagal tumongub sabap tatap onuan yolo sakadai.

Puru Walai Koundangan Pogun (ADUN) Apas, Datuk Tawfiq Datuk Abu Bakar Titingan minoboros do tinimungan dilo amu tagal kopuriman olihuan sasabap mogisuai suai ababayan noulud poompus Ramadan diti montok manahak ponguhupan kumaa diolo.

“Sabap dilo pokionuon ku toinsana momuruan nayatan kampung do mingisom mongintutun mogigion di momorlu sakadai om nogi porijistor diolo sabaagi mamaramit sakadai,” ka disio.

Minoboros isido miagal dilo id ababayan panahakan sakadai kumaa lobi 50 mamaramit kosuang tina osongulunan, tangaanak aiso molohing, mualaf om fakir miskin id Masjid Habib Abdul Rahman Batu 2 Jalan Apas Tawau, do hiti di konihab.

Tumanud di Tawfiq, mogisuai suai babayan pohoron kosuang nogi ziarah Ramadan, mongukab puasa om terawih miampai mogigion id kinoyonon Apas suai ko papatahak sakadai miagal tusin, wagas, gonob om suai poh kumaa diolo di momorlu sakadai. – SayangSabah

Komen


Berita Berkaitan