Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tiniip do Pulis Sabah pibarasan di natandasan karait Risalah SSKM

polis-sabah-600x367

KOTA KINABALU – Notiip noh do pulis Sabah pibarasan siam tulun natandasan kosuang tolu tondu karait potikidan risalah Sabah Sarawak Keluar Malaysia (SSKM) id Tuaran, songkosodop.

Posurujaya Pulis Sabah, Datuk Jalaluddin Abdul Rahman minoboros do suai ko pibarasan siam tulun di natandasan kiumur id pialatan 24 gisom 52 toun, puru disio nga minoposurat nogi kointalangan 14 tulun sasi.

“Panangkapan siam tulun di natandasan pinapanau id siriba Seksyen 4(1) Akta Hasutan. Toinsanan diolo pinalabus miampai jominan do pulis di jam ko-5 sosodopon konihab kalapas naanu kointalangan,” ka disio kumaa Bernama hiti di baino.

Tumanud di Jalaluddin, ponoriukan pinapanau id siriba Akta Mesin Cetak om soriukon o kiis dilo tosisikap montok pootodon kumaa puru Mamadawa om laang potilombus.

Ka disio, siam tulun di natandasan tinahan kalapas kikotumbayaan popotikid risalah karait SSKM id piro-piro kinoyonon id tamu Tuaran pikikiro jam ko-9.50 kosuabon om 10.42 kosuabon songkosodop.

Mantad panangkapan dilo, soginumu 113 risalah mogisuai suai tulu om piro-piro buuk naahau mantad di natandasan montok soriukon. – BERNAMA

Komen


Berita Berkaitan