Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tingorit susumangod pogun kasasari poinsorou

Pairin (tanga) miampai tulun tapantang om paganakan mungui susumangod id kasarahan susumangod ih nokorundun id pisangadan sompomogunan kumoduo id Tugu Peringatan Petagas. –  foto Jabatan Penerangan
Pairin (tanga) miampai tulun tapantang om paganakan mungui susumangod id kasarahan susumangod ih nokorundun id pisangadan sompomogunan kumoduo id Tugu Peringatan Petagas. – foto Jabatan Penerangan

KOTA KINABALU – Sundung lobih noh 70 toun nakatalib nga tingorit om pingisaman do susumangod “Gerila Kinabalu” i nokorundun id Pisangadan Sompomogunan Kumoduo lolobi ih nokorundun id pamataian togugumu susumangod Jepun ontok tadau ko-21 tulan Koiso 1944, potilombus sorohon monikid tadau ko-21 tulan Koiso.

Ababayan kasarahan montok diolo di nokorundun madtamong pogun diti id timpu Pisangadan Sompomogunan Koduo, pihaharo id Tugu Peringatan Petagas, monikid toun.

Kumoduo Boyoon Montiri Tan Sri Joseph Pairin Kitingan lumansan di Boyoon Montiri Datuk Seri Musa Aman, minogulu tulun tapantang do suai popoiliu bunga id toguang tugu dilo.

Om tinanud di tulun tapantang do suai kosuang nogi ih Mayor Bandaraya Kota Kinabalu Datuk Abidin Madingkir, Boyoon Pulis Kakadaian Asisten Komisioner, M. Chandra om tulun tapantang do suai.

Soginumu 324 susumangod Gerila Kinabalu ih binuruan di Albert Kwok, nokorundun id kinaantakan dilo.

Toinsanan ngaran di munggui piñata pinosurat id Tugu Peringatan id Petagas montok kasarahan diolo. – Dii Monica Gidong / SayangSabah

Komen


Berita Berkaitan