Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tinangayan lobi sontoun Lans Koperal Zakia Aliep naanu pinalabus

 Musa Aman monguhot di Zakia (kiri) id pitimungann habar id Sri Libaran.

Musa Aman monguhot di Zakia (kiri) id pitimungann habar id Sri Libaran.

KOTA KINABALU – Lans Koperal Zakia Aliep ih tinangayan id Pulau Mabul, Semporna toun nakatalib naanu pinalabus dii tinimungan kotungoligan mantad Indanan, Sulu, Filipina, songkosodop.

Zakiah nokorikot id Sandakan jam ko 7.30 kosuabon nigitan sinoliwan mantad Indanan pikikiro jam 11 totuong ontok tadau ko-6 tulan Kotolu do tinimungan kotungoligan pogun ih minamanau kuminaa id Sulu pikikiro jam 2.30 sosodopon songkosodop.

Mongulas karait kinolobusan dilo, Boyoon Montiri Datuk Seri Musa Aman minoboros do ounsikou o porinta pogun dilo pinolobusan di Zakia soira nosiliu tahanan solinaid diti dilo tinimungan panganas selatan Filipina.

“Mongunsikou tokou kumaa minamangun sabap miampai pingisaman do porinta maya pirundingan, sambayang toinsanan puru om kasantaban ginawo puru paganakan disio, pingisaman do papalabus disio nakalantoi.

“Mongunsikou oku nogi kumaa tinimungan kotungoligan pogun ih mingisom papanau karaja gisom nakalantoi minoposoliwan di Konstable Zakia Alip. Noromut kun oh ih Luguan Montiri Datuk Seri Mohd. Najib Tun Razak dii tiinu.

“Isido nga otood ginawo nokorongou kabar pinolobusan diti om mongunsikou kumaa tinimungan kotungoligan di mingisom papanau karaja pinapalabus di Zakia,” ka disio id pitimungan habar iid walai disio id Sri Libaran Sandakan. – Dii Sitti Nor Azizah Talata / SayangSabah

Komen


Berita Berkaitan