Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tinahan do pulis, tolu tondu nakaampai id kiis ponipuan padagang walai PPRT

tahan wanita

KOTA KINABALU: Pulis minanahan tolu tondu id Penampang somok hiti sabap kikotumbayaan nakaampai id kiis ponipuan padagang walai Projik Pomuwalaian Rayat Mosikin (PPRT) id Meruntum om Ketiau Putatan.

Boyoon Koupisan Monoriuk Kasalaan Pidagangan Kontinjen Sabah, Supt Md Razif Alang Mat Jaya minoboros do kotolu-tolu koonduan kinoyonon dilo kiumur id pialatan 25 gisom 30-an toun, tinahan duo tadau nakatalib mantad ruputan songulun kusai ih minamadawa minambarai RM1,400 sabaagi baraian kopogulu pomoli walai PPRT kigatang RM62,000 nga gisom baino amu poh noilaan ningkokoton upalai walai dilo.

Mungui minomonsoi ruputan pulis jam ko-2 sosodopon tadau Kotolu id Penampang soira amu nakaanu kointalangan karait ningkokoton upalai walai dau mantad tondu nokomoi.

Tumanud di Md Razif mantad pogintangan do puru disio om Kounsil Watas Penampang, kounsil watas dilo amu insan minamalantik isai-isai tulun toi ko kumponi sabaagi ejen montok padagang walai PPRT dilo.

Toinsanan koonduan dilo mamaso pointahan daamot montok monguhup ponoriukan id siriba Seksyen 420 Kanun Keseksaan. – BERNAMA

Komen


Berita Berkaitan