Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tina misosongulun ih amu nakangaran id e-kasih adangon onuan do sakadai

KENINGAU: Porinta pinokianu pangaran pikikiro 1,000 tina misosongulun id kinoyonon diti sabagii ponorimo e-kasih montok maganu sakadai di pinosodia montok tinimungan nokomoi.
Ponorikohon Kotundaan Koonduan om Paganakan (MPWK) Parlimen Pensiangan Zaiton Anik minoboros kiguno o ahal dilo onuan pogintangan montok papaanu do tina misosongulun id kinoyonon diti maganu sakadai montok manampung koporluan paganakan lolobi kopio tangaanak diolo.
“Ginumu tina misosongulun id kinoyonon diti nokoingkawas sasabap napataian do sawo, piadaan om ih suai amu pinoduli. Osusa yolo maganu kolulusan mokianu sakadai sabap amu nakangaran id sistom e-kasih, sabap ilo o syarat montok isai-isai ih mokianu ponguhupan mantad porinta,” ka disio.
Minoboros isido miagal dilo soira minanahak boboroson id Sominar Koponggunaan om Sukai Barangan om Porkhidmatan (GST) id Dewan Datuk Ellron Angin Kampung Biah Tengah, hiti.
Seminar dilo pinotimpuun di Montiri Kotundaan Mogigion om Ahal Momoguno, Datuk Jainab Ahmad. Nokotindapou nogi ih Monguhup Montiri kumaa Boyoon Montiri Datuk Ellron Angin.
Sabap dilo ka di Zaiton, porinta apatut mangadang do manahak sakadai kumaa tina misosongulun ih amu nakangaran id e-kasih. – Dii Kalawon Sawing / SayangSabah

Komen


Berita Berkaitan