Sayang Sabah Facebook

Likes
Sayang Sabah Twitter

11,663

Followers

Sayang Sabah - Portal Berita Negeri Kita

Tenom manawalai kotimpuunan Kaamatan 2016

1:02am 06/01/2016 Maryann 11 views Abal Kinoyonon,Berita Pilihan,Kinoyonon,Kota Kinabalu

tuan rumah kaamatan
KOTA KINABALU : Watas Tenom poinsumpak pikikiro 151 kilometer mantad kakadaian diti pinili sabaagi manawalai ababayan kopotimpuunan Pesta Kaamatan ontok tadau ko-1 tulan Kolimo diti, ka di Kumoduo Boyoon Montiri Sabah Tan Sri Joseph Pairin Kitingan.

Pairin ih ponogi Ponorikohon Komiti Induk Karamaian Pesta Kaamatan nayatan pogun minoboros do ababayan kopotimpuunan dilo pohoroon id Padang Perbandaran Tenom om pikikiro poimogonon di Boyoon Montiri Datuk Seri Musa Aman.

Ka disio, komiti minomili tema “Keamanan dan Persahabatan” toi ko “Pibabasan Om Piombolutan” montok karamaian toun diti nokito kosudong miampai tonggungan karamaian dilo ih naangap sabaagi wayaan do posindak piuludan id taga mogigion mogisuaisuai tinaru om ugama id Sabah.

Sunduk karamaian dilo pohoroon id Hongkod Koisaan KDCA Penampang tadau ko-30 om 31 tulan Kolimo miampai mogisuai-suai ababayan kosuang pokikitanan koubasanan tinaru Kadazandusun, ka disio.

Pairin ih ponogi Porosidin Kotinanan Koubasanan Kadazandusun Sabah (KDCA) minoboros miagal dilo kumaa maganu habar kalapas minonorikohon mitingan kumoinsan karamaian Kaamatan 2016, do hiti di konihab.

Ka disio, soginumu 14 komiti kosuang komiti tokoro tinuridong montok papanau porsiapan mamaramai karamaian dilo.

Minoboros ih Pairin do haro piro-piro watas noko patatap noh tadau karamaian Kaamatan nayatan watas, ilo nopo nga watas Kuala Penyu ontok 7 tulan Kolimo; Tongod (12 tulan Kolimo); Tambunan, Pitas om Putatan (14 tulan Kolimo), Keningau, Kota Merudu, Membakut om Kota Belud (15 tulan Kolimo), Tamparuli/Tuaran (18 tulan Kolimo) om Dewan Bandaraya Kota Kinabalu (DBKK) mantad 19 gisom 21 tulan Kolimo. – BERNAMA

Apa Komen dan Pendapat Anda

Artikel Berkaitan