Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tawfiq: Toinsanan puru mositi miuhup potuna bola sepak id Sabah

tawfik bola
KOTA KINABALU: Montiri Komulakan om Sipoot Datuk Tawfiq Hj Abu Bakar Titingan mokianu kumaa toinsanan puru do manahak pongintangan om potoluod montok komogoton toinsanan pamain komulakan id pogun diti soira kopupus sikulan.

Ka disio, toinsanan puru kosuang Kotinanan Bolasepak Pogun om Koupisan Balajaran lansanon kaanu monuridong iso pangkalan data tongo pamain komulakan kibakat lolobi ih balajar id labus Sabah.

“Pangkalan data dilo kosuul kopio sabaagi rujukan toi ko susukuon do tongo pamain soira haro koporluan monuridong tiim pogun id timpu abantalan om montok monguhup dotokou mogihum di tongo pamain dilo soira kopupus sikulan,” ka disio.

Minoboros isido miagal dilo id Ababayan Kotundaan Bolasepak TABS Safa Kakadaian tajaan CIMB Foundation id Kompleks Sipoot Likas, konihab.

Ka dii Tawfiq, kopotimpuunan ababayan kotundaan TABS Safa Kakadaian miampai ponguhupan puru penaja CIMB Foundation nopo nga iso kotimpuunan tosonong montok tongo pamain komulakan id pogun diti. – Dii Elezebeth Esther/ SayangSabah

Komen


Berita Berkaitan