Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tataba mogindapu komulakan id bazar Ramadan

bazar tawau

TAWAU – Id piintaangaan tulan Ramadan, mongindapu ngawi id bazar Ramadan kakal miagal kasasari montok padagang mogisuai suai taakanon om tiinumon akanon montok mongukab puasa.

Mogindapu ngawi kiugama Islam mantad mogisuai-suai tinaru maganu kosiwatan id tulan diti do mogindapu miampai momoruhang kousin-usinan.

Id Tawau, haro tolu bazar Ramadan ih nosiliu tumpuan om ririkoton tulun ginumuan monikid toun id watas diti. Wookon nopo bazar dilo nga Bazar Ramadan Sabindo, Bazar Ramadan Bangunan Mara om Bazar Ramadan Fujimart.

Mantad pogintangan do SayangSabah id bazar Ramadan Sabindo pikikiro pukul 4 sosodopon, okito ogumu kopio tulun rumikot id bazar montok momoli taakanon mongukab puasa.

Songulun mogindapu Herman Abdullah, 25, minoboros do iti nopo nga toun kotolu disio mogindapu id bazar Sabindo.

“Toun baino, toun kumotolu ku noh mongindapu do hiti, alhamdulillah monikid tulan Ramadan kaanu oku kosiwatan do mongindapu do hiti,” ka disio om minoboros do kaanu isido pandapatan monikid tadau RM300 gisom RM600 sangadau.

Padagang do waig om mogisuai-suai kuih, ka disio, osonong ginawo dau sabap ogumu tulun mongoi id bazar Ramadan, monikid tadau. – Dii Muahlim Lise / SayangSabah

Komen


Berita Berkaitan