Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tangkapo oku nopo do kaanu kou noh: Aktivis Sabah

DORIS JONES
DORIS JONES

KOTA KINABALU – Aktivis Sabah, Doris Jones, ih mamaso ihumon do pulis sabap natandasan mongunsub mogigion pogun diti popitongkiad Sabah om Sarawak mantad Malaysia, amu kipomusarahan do gumuli id pogun diti montok tumoguang titondos mongunsub.
Jones, ih minokianu moi Sabah om Sarawak sumoliwan mantad Malaysia maya media sosial, lolobi maya koukaban Sabah Sarawak Keluar Malaysia (SSKM).
Tumanud di Jones, amu isido koilo nunu-nunu karait do saman di pinosoliwan kumaa disio tulan natalib montok tumoguang titondos id siriba Akta Hasutan ih kopogowit koposoliwanan waran tangkap pulis Malaysia di tadau Kotolu nakatalib.
Ka disio, doung puru kikuasa Malaysia nopo toilaan do momoguno wayaan di pointopot do mengekstradisi dau om amu momisunud hombo isido, soira nuhot.
“Milo iyolo mogihum doho hiti United Kingdom, Koisaan Eropah (EU) toi ko hilo doti Australia. Milo yolo mongumbal.
“Amu oku kosorou do Malaysia haro pibatasan ekstradisi miampai EU,” ka di aktivis kiumur 46 toun dilo.
“Yoho nopo nga Doris Jones,” ka disio suminimbar soira nuhot nung otopot isido nopo nga ih Doris Yapp Kim Youn mantad Labuan, miagal di nokosurat id waran tangkap i pinalabus do Kuut Majistret Kota Kinabalu.
Soira nuhot do kakal poh tu isido mogigion Malaysia, simbar ka disio: “Amu oku sumimbar ponguhatan dilo. Yoho mantad Sabah”.
Ih Jones, kikotumbayaan id London, minoboros do minokipili isido id pomilian tagayo tulan Kolimo 2014 montok Parlimen Eropah maya Paati Kabansaan Liberal id United Kingdom. – mStar Online

Komen


Berita Berkaitan