Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tana’ nopo nga koduo-duo tokou: Madius

madius 2
TUARAN: “Tana nopo nga koduo-duo tokou” om sokiro aiso tana, osusa tokou potilombus kopoposion”.

Miagal dilo noboros di Montiri Sains, Tiknologi om Inovasi (MOSTI) Datuk Seri Panglima Madius Tangau id ababayan kointalangan toniba ponukatan Tana Hak Adat Anak Negeri kopihondot Pogintangan dii Boyoon Potunud Bohogian Mongulud Kopoindalanan (ICU) Koupisan Luguan Montiri Dato Ahmad Zaki Ansore Mohd Yusuf, id Kampung Lokos, Lembah Kiulu, do hiti di baino.

“Kinoyonon Lembah Kiulu nopo nga iso kinoyonon Porojik Ponukatan Lot Mogigion Misosondiri Koupisan Tana om Monukat ih kapaampai apat kampung, ilo nopo nga Kampung Lokos, Kampung Nuluh, Kampung Tiong Ratau om Kampung Tiong Simpdon.

“Porojik diti pinapanau mantad podii toun 2015 om gisom baino ginumu lot di nosukat nopo nga 1,896 lot miampai ginayo toiso-iso lot tana dilo id pialatan duo gisom tolu ekar,” ka disio.

Tumanud dii Madius, porojik dilo nopo nga iso pingisaman do porinta montok monguhup do rayat manalasai kobolihangkangan karait tana adat.

“Porojik diti popokito porinta kasasari popokito kopomuruanan di posogulu do rayat om tadau baino, Potunud ICU sondiri minindahu minooi intong kopoindalanan do porojik diti,” ka disio.. – Dii Leolerry Lajius /Sayang Sabah

Komen


Berita Berkaitan