Sayang Sabah Facebook

Likes
Sayang Sabah Twitter

11,803

Followers

Sayang Sabah - Portal Berita Negeri Kita

Tana noguyu: 11 susumikul Malaysia natampasi nokorikot id Fukuoka

10:29pm 17/04/2016 Maryann 3 views Abal Kinoyonon,Kinoyonon,Kota Kinabalu

jepun-600x400
PUTRAJAYA: Soginumu 11 mantad toinsanan 18 susumikul Malaysia id watas Kumamoto, Jepun ih nokotoguangtana noguyu tadau Kaapat nakatalib nokoundaliu noh om natampasi nokorikot id Fukuoka, tumanud kointalangan Wisma Putra.

Topod turu tulun poh kawagu susumikul ih kakal id longkod evakuasi mamaso magandad ponuhuan potilombus mantad puru kikuasa, tumanud kointalangan dilo.

“Komontirian Labus om Kodutaan Malaysia id Tokyo mamaso mogintong kowowoyoon om popoilo porkambangan kinaantakan dilo id timpu timpu,” ka disio.

Sumusuhut kinaantakan noguyu tana kitukuran 6.5 skala Richter ih naantakan id Kumamoto tadau Kaapat nakatalib, iso poh kawagu gogor lobi ologod kitukuran 7.3 skala Richter pinoruput naantakan id watas dilo kosodop pikikiro jam 1.25 kosuabon timpu kinoyonon.

Tana noguyu kumoiso dilo pinoruput minogowit siam tulun nokorundun om gogor koduo minoporundun 23 tulun, minoposiliu ginumu nokorundun gisom baino soginumu 32 tulun.

Soginumu 70,000 tulun pinoundaliu id longkod ngawi evakuasi mantad ponuhuan puru kikuasa om 200,000 walai nopututan lotirik.

Porinta Jepun minanahak kopoilaan do paatod soginumu 20,000 puru monungolig om 5,500 pulis, bomba om manampasi mongoi id watas Kumamoto tadau baino (17 tulan Kaapat) montok manahak ponguhupan kumaa mungui tana noguyu dilo. – BERNAMA

Apa Komen dan Pendapat Anda

Artikel Berkaitan