Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tamangai koubasanan doung gulu-gulu montok popogirot piuludan id paganakan

Samsudin soira manahak boboroson id ababayan dilo.
Samsudin soira manahak boboroson id ababayan dilo.

SANDAKAN – Panamangan koubasanan doung gulu-gulu okon nopo ko kaanu popogirot pihunungan om piuludan id tanga paganakan ngawi nga kaanu mongidu koimbayatan taraat.
Puru Koundangan Pogun (ADUN) Sekong, Datuk Yahya Hussin minoboros do asaru o mogigion lolobi kopio sukod wagu do baino diti kolihu mogintong nunu kopio rati i poinsuang id sambalik toiso-iso koubasanan doung gulu gulu.
“Kosuulan koubasanan doung gulu-gulu miagal monukur do jambul milo silihon do pombontukan kointutunan om kowowoyoon tinaru. Adat ih tumanud koubasanan id Islam nga apatut silihon iso kabangaan,” ka disio soira rinomut id ababayan momogunting tobuk soginumu 60 baragang kopihondot pamaramaian Maulidur Rasul nayatan Kampung Gas Sandakan, hiti di konihab.
Ka disio, ababayan monukur jambul dilo amu apatut intangan sabagi koubasanan noh nga sabagi tanda di agayo rati.
“Koubasanan miagal diti kaanu popogirot piuludan om pihunungan id toiso-iso paganakan, om nogi manahak kopurimanan kumaa sukod wagu do baino karait kosuulan miginawo id paganakan,” ka disio. -Dii Sitti Nor Azizah Talata / SayangSabah

Komen


Berita Berkaitan