Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Taman Kingfisher Fasa II aiso ponoruangan walai

kingfisher1

KOTA KINABALU: Kinoyonon pomuwalaian tulun kiharo-haro do hiti, Taman Kingfisher Fasa II nakaanu minoposurat aiso kiis kasalaan monoruang walai montok tolu toun misusuhut.

Kinalantaian dilo asil karaja sikuriti ih pinosodia do Kingfisher II Management Sdn.Bhd ih tinuridong miampai pingisaman do mogigion id kinoyonon dilo.

Kingfisher II Management Sdn.Bhd ih nirikohonon dii Kumoduo Porosidin Dewan Pongindopuan Melayu Malaysia (DPMM) raan Sabah, Datuk Awang Sham Amit om nuhupan 16 komiti mogigion id pomuwalaian dilo.

Monunurat dau Sunny Chai minoboros do mantad nokoimbulai karaja sikuriti id kinoyonon dilo piro-piro toun nakatalib gisom dinondo, Taman Kingfisher II minoposurat aiso kiis ponoruangan doo owalai.

Tumanud disio, kinalantaian diloo nga mantad nogi ponguhupan do toinsanan mogigion id kinoyonon dilo.

Kawawagu, momoguno iyolo aplikasi SOS Save U & Me montok popoingkawas ahal kotungoligan mogigion.

Minoboros isido miagal dilo kumaa maganu habar kalapas nokotindapou id ababayan Walai Poingukab Hari Raya Datuk Awang Sham Amit do hiti di songkosodop.

Nokorikot nogi puru komiti pongurusan kosuang Porosidin Putatan Chinese Chamber of Commerce and Industry (PCCCI) Datuk Frankie Liew. – Sayangsabah

Komen


Berita Berkaitan