Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Tadau Kaamatan kirati posuni piuludan mogigion mogisuai-suai tinaru

mary yap
TAWAU: Karamaian Tadau Kaamatan agayo rati montok manampasi koubasanan om posuni piuludan id tanga mogigion mogisuai-suai tinaru id pogun diti.

Kumoduo Montiri Balajaran Takawas, Datuk Mary yap Kain Ching minoboros do karamaian tadau Kaamatan kiguno kopio montok posuni kowowoyoon mamantang tiso om tiso.

“Sabap dilo, karamaian diti mositi ramaion montok posuni sunduan miambalut om miuhup id tanga tinaru, suai ko popalabus sukod wagu di kaanu potilombus sunduan piuludan id suang potunda ikonomi,, pulitik om sosial.

“Karamaian Kaamatan nopo nga impohon tosonong montok pokito kosimbayanon om piombolutan kopiagal dilo tema ih mangakat kaampaian om kotonudan toinsanan tinaru id Sabah,” ka disio soira minopotimpuun Karamaian Kaamatan Nayatan Watas Tawau 2016 id Dewan Masyarakat Tawau, do hiti, di konihab.

Minoboros ih Yap do karamaian tadau Kaamatan do babaino diti kaanu popokito mogisuai-suai pialaan di kaanu mamagayat korohian tutumombuluii, wookon nopo dilo nga pialaan magansak nansakan koubasanan. – BERNAMA

Komen


Berita Berkaitan