Sayang Sabah Facebook

Likes
Sayang Sabah Twitter

11,794

Followers

Sayang Sabah - Portal Berita Negeri Kita

Tadau Boros Inggeris monikid tadau Koduo montok sikul id Sabah

9:10pm 16/02/2016 Maryann 2 views Abal Kinoyonon,Kinoyonon,Kota Kinabalu

tuaran
TUARAN: Koupisan Balajaran Pogun Sabah tadau baino minopoilo monikid tadau Koduo pinatatap sabaagi Tadau Boros Inggeris montok komuniti balajaran, kosuang iyolo ih pakaraja id tupis balajaran.

Potunud dau Datuk Jame Alip minoboros do pongurusan sikul nga nunsub nogi mooi poimbulai kowowoyoon di posodia lobi ogumu kosiwatan montok susumikul mimboros id boros Inggeris.

“Id timpu dilo, mongingia boros Inggeris nga mositi poingkawas karalanon mangajar montok poimbulai korohian id tanga susumikul om mongunsub diolo momoguno boros Inggeris id labus kalas maya ababayan ko-kurikulum om papaharo kimpin mambasa boros Inggeris do potilombus.

“Poingkawason dahai ababayan ih haro mantad id sikul om id timpu dillo unsubon dahai kukumaraja Koupisan Balajaran Pogun Sabah om tupis balajaran watas do mimboros id boros Inggeris lolobi monikid tadau Koduo,” ka disio.

Minoboros isido miagal dilo id kopotimpuunon Ababayan Tadau Boros Inggeris do hiti di baino.

Tumanud dii Jame, ababayan dilo kopiagal do impohon Popoingkawas Boros Malaysia Poingkawas Boros Inggeris (MBMMBI).

“Intangan dahai kopio pomogunoon boros Malaysia sabaagi ralan piromutan id toinsanan sikul kabansaan om mogintong kopio toiso-iso susumikul kaanu monguasai koduo-duo boros Malaysia om Inggeris,” ka disio.

Daamot dilo Boyoon Montiri Sabah Datuk Seri Musa Aman minoboros do porinta pogun mingisom poingkwas ponguasaan boros Inggeris id tanga susumikul om manahak ponguhupan lolobi kumaa Koupisan Balajaran Sabah. – BERNAMA

Apa Komen dan Pendapat Anda

Artikel Berkaitan