Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Tabangon napatai, tapid tadi natampasi

9:51am 16/04/2016 Maryann 1 views Abal Kinoyonon,Jenayah,Kinoyonon,Kota Kinabalu

TEMBAK 2
KOTA KINABALU: Mungui notimbak duo kusai poinsakai motosikal id Jalan Kolam, Luyang, somok hiti kosuaon konihab, kapaampai duo miadiadi miapid miampai songulun noiduan ginawo om songulun natampasi.

Mungui di noiduan ginawo kiumur 23 toun poingirikau id tirikohonon susumakai id toguang om ih tadi tapid dau kiumur 23 toun natampasi poingirikau id tohuri.

Songulun poh kawagu kiumur 35 toun, papanau korita noiduan ginawo. Kotolu-tolu diolo mantad Sibu, Sarawak.

Mungui di noiduan ginawo noontok walu timbakan mantad di susumaap dilo.

Boyoon Ponoriukan Kasalaan Tawagat Pogun Datuk Sallehuddin Abd Rahman minoboros do duo kusai di minonimbal di mungui kirasuk osompipi oitom.

“Tumanud kointalangan tosopung, soira ih korita mungui nokorikot id tampat kinaantakan, sigog om nokorikot iso motosikal sinakai duo kusai om tuturus minopoobus walu timbakan id soromin ponong papanau korita dilo.

“Papanau kiumu 35 toun om pounsakai id toguang kiumur 23 toun napatai sabap noontok do timbakan dilo om songulun poh kawagu tadi tapid dau kiumur 23 toun nakaanu minonungolig tinan sondiri,” ka disio.

Kalapas minonimbak, koduo-duo di natandasan poinsakai motosikal minogidu om Land Cruiser dilo natagakan kawalan om nokotugu korita Perodua Myvi pinapanau songulun tondu kiumur 58 toun.

Tumanud disio, pulis mamaso pomorisaan potilombus id tampat kinaantakan kapaampai nogi tinimungan Unit Forensik Longkod Tupis Polis Kontinjen (IPK) Sabah.

“Karaja mangasu di natandasan mamaso papanahon miampai minopoindalan Op Tutup id posorili watas-watas poinsomok.

“Tadon kinaantakan kakal soriukon tumanud Seksyen 302 Kanun Keseksaan,” ka disio. – myMetro Online

Apa Komen dan Pendapat Anda

Artikel Berkaitan