Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Syabu kigatang RM26,000 naahau mantad songulun kusai Filipina

ppm tawau
TAWAU: Songulun kusai kikotumbaian ‘keldai dadah’ toi mogowit dadah nagakom do Tinimungan Pulis Marin (PPM) soira noilaan poinsanganu 200 gram dadah syabu kigatang RM26,000 id Rahat Batu-Batu Sabindo, do hiti di tadau Koonom, pikikiro jaam ko 8.30 kosuabon.

Minoboros i Komander PPM Raan Sabah, ACP Mohamad Madun, kusai rayat Filipin dilo i kiumur 50’an om aiso dokumen kointutunan sondiri tinahan id siriba Seksyen 39B Akta Dadah Koligogon 1952.

Tumanud disido, iso tinimungan puru i maso papanau karaja Ops Paradise om Ops Gasak, nokokito songulun kusai i poingkakat id mosi-rosi id tohuri do kapal sada kiwotik otomou daamot do poingigit katung polositik aagang.

“Sinusuhut do padau puru PPM mininsomok id kapal dilo i hombo o kusai dilo poingkakat om pinopointutun dilo sondiri om ontok dilo kusai nokomoi id mosi-rosi daamot minopoilo do amu haro dokumen kointutunan sondiri,” ka disido.

Minoboros isido diti maya kopoilaan ih binasa id Tupis Momorinta PPM Tawau, ASP R. Krishnan id Tupis PPM Tawau, dohiti.

Id asil pinomorisaan potilombus bakul polositik id pigit igit do kusai nokomoi, haro iso polositik kiwotik osilou id suang dilo i linopot momoguno tape poposokot.

“Songian o tape pomodokot do nidu, haru kaagu linopot id suang dilo winongkos momoguno karatas surat kabar boros Sina om soira nukaban, haro apat linopot polositik oniniting i osuhatan ginayo kisuang linsou-linsou toniting kikotumbayaan do dadah syabu,” ka disido. – BERNAMA

Komen


Berita Berkaitan