Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Syabu 26kg naahau id Tawau

Kastam
KOTA KINABALU: Koupisan Kastam Diraja Malaysia minagahau 26 kilogram dadah syabu pikikiro kigatang RM5 riong id suang ponugkuan somok lapangan tutumulud Tawau di tadau Kolimo nakatalib.

Potunud dau, Datuk Janathan Kandok minoboros do ginumu di naahau dilo nopo nga goos agayo naahau do koupisan nokomoi mantad toun 2012.

Tumanud kointalangan kiis, dadah nopo dilo nga pinosuang id kutak, nointutunan osopung maya misin pongimbas dii puru Kastam raan MAS Kargo do hiti pogulu minomonsoi o puru kikuasa pamantauan montok monoriuk isai sanganu dilo dadah.

“Kalapas dilo, puru kikuasa minonugku om minanahan duo kusai kiumur 54 om 56 toun, mamaso di natandasan posuang do dadah dilo id korita pikikiro jam 3.45 sosodopon tadau Kolimo nakaalib,” ka disio id pitumungan khabar, hiti di konihab.

Tumanud disio, mantad ponoriukan tosopung noilaan do ih natandasan nopo nga momoguno khidmat pos laju montok poposuang dadah dilo kumaa id watas diti montok mangalai oilaan puru kikuasa.

Koduo-duo kusai dilo tinahan id siriba Seksyen 39B Akta Dadah Berbahaya 1952 montok soriukon potilombus. – Dii Nuzir Andi Samsiar / sayangsabah

Komen


Berita Berkaitan