Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Susuminding Murut monimung sakadai

artis
TENOM – Soginumu RM6,546.00 toluod tulun ginumuan naanu minonimung montok monuang tabung korumbakon noguyu tana id Ranau id konsert Amal Susuminding ngawi Murut Sabah id Dewan Terbuka Sedcovest do hiti songkosodop.

Soginumu 100 tulun susuminding Murut Sabah nokorikot manahak pokikitanan diolo id konsert dilo ih notindapou apat lalansanon malim gunung.

Iyolo nopo nga ih nakaampai manampasi tutumakad id kinaantakan noguyu tana ontok tadau ko-5 tulan Koonom nakatalib. Malim gunung nopo dilo nga ih Md. Asli Supinin, Azlie Donald, Raynor Ijoe om Fazlie Musiton.

Sakadai dilo piniduo miirad kumaa malim gunung om mogigion Kota Belud ih nakaampai korumbakon dilo.

Montiri Kotundaan Labus Kakadaian Datuk Radin Malleh soira minanahak boboroson id ababayan dilo minoposorou toinsanan mogigion mooi lobi apandai monilai toiso iso kointalangan lolobi maya media social om miintong intong soira mongoi uhup poposibar kointalangan nokomoi mooi amu koimbulai koborulongon om katangaban id tanga mogigion mogisuai-suai tinaru id pogun diti. – Dii Kalawon Sawing / SayangSabah

Komen


Berita Berkaitan