Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Susumikul tongosusa kaanu kosiwatan mongoput balajaran

pelajar cemerlang-pertonas 2

KOTA KINABALU – Kotimpuun toun diti Petronas papanau Ababayan Penajaan Sakadai Pinsingilaan Institusi Vokasional (Vista) id Sabah miampai posodia sakadai balanja balajaran montok susumikul mantad paganakan tongosusa.

Naib Porosidin Wanan Upstream Malaysia Petronas, Datuk M. Anuar Taib minoboros do laang dilo kopiagal pingisaman do porinta mogintong kopio tinimungan komulakan pogun diti kaanu mongoput balajaran om nogi kaanu momoruhang kukumaraja pogun diti.

Tumanud disio Petronas do babaino diti nga manahak sokodung kumaa onom institusi vokasional id Sabah, ilo nopo nga Institut Kemahian MARA Kota Kinabalu, Institut Latihan Perindustrian Kota Kinabalu, Kolej Yayasan Sabah, Institut Latihan Teknik om Perdagangan (ILTP) Papar, Pusat Giatmara Kimanis om Institut Kemahiran Belia Negara (IKBN) Kinarut.

“Id siriba ababayan dilo institusi vokasional nokomoi karamit sakadai miagal misin om kakamot tiknikal, kakamot gunoon montok papanau pinsingilaan om mongingia,” ka disio.

Minoboros isido miagal dilo soira minanahak boboroson id suang ababayan panahakan Anugerah Penajaan Pendidikan Petronas kumaa 214 susumikul ih pinotimpuun di Kumoduo Boyoon Montiri Tan Sri Joseph Pairin Kitingan. – Dii Sitti Nor Azizah Talata / SayangSabah

Komen


Berita Berkaitan