Sayang Sabah Facebook

Likes
Sayang Sabah Twitter

11,781

Followers

Sayang Sabah - Portal Berita Negeri Kita

Susumikul sikul asrama ponuh nabantalan notungolig id Surau KKIA

10:28pm 24/03/2016 Maryann 0 views Abal Kinoyonon,Kinoyonon,Kota Kinabalu

surau kkia
KOTA KINABALU: Songulun susumikul kusai sikul asrama ponu do hiti ih pinoruput natagak mantad ko-20 tulan Kotolu nakatalib nabantalan id kowowoyoon notungolig id surau Sosondoton Kapal Tutumulud Sompomogunan Kota Kinabalu (KKIA), totuong konihab.

Mongigit Daamot Boyoon Pulis Watas Kota Kinabalu Supt Azhar Hamin minoboros do susumikul kiumur 14 toun ilo nabantalan do puru dau ih papanau Op Ledak id sosondoton kapal tutumulud dilo.

“Mantad ponoriukan potilombus, noilaan tadon disio amu minoporuput id sikul nopo nga kobolihangkangan sondiri. Aiso kasalaan tawagat karait kiis diti,” ka disio id suang kointalangan do hiti di baino.

Tumanud dii Azhar, susumikul dilo sinoliwan mantad walai id Kudat, 190 kilometer manta hiti tadau ko-20 tulan Kotolu nakatalib montok gumuli id sikul dau do hiti sinakai bas, om amu minomisunud di molohing dau.

Poingkuro pioh id tadau dilo puru sikul minopoilo kumaa molohing di susumikul do tanak diolo amu poh nokoruput id sikul. – BERNAMA

Apa Komen dan Pendapat Anda

Artikel Berkaitan