Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Susumikul prasekolah nokoingkawas id labus kakadaian

ghulam1
KINARUT: Kinoingkawason tangaanak sikul id prasekolah lolobi id kinoyonon labus kakadaian monikid toun popokito balajaran prasekolah nakaanu raramit tosonong id tanga mogigion kinoyonon dilo.

Montuhup Montiri Kotundaan Infrastruktur Datuk Ghulam Haidar Khan Bahadar minoboros do pogulu diti haro noh pikikiro 60 pihatus tangaanak kikosiwatan balajar id prasekolah labus kakadaian nga kowowoyoon ilo nokoingkawas sasabap pingisaman do porinta manahak tumpuan om posogulu potunda balajaran pra sekolah id labus kakadaian.

‘Suai koi lo, kopurimanan komolohingan om mogigion kosuul kopio balajaran tosopung kumaa tangaanak diolo nakaanu minopoinsawat ginumu tangaanak susumikul id prasekolah,’ ka disio.

Minoboros isido miagal dilo id ababayan Graduasi Tadika Perpduan nayatan Watas Papar id Dewan Taman Lokawi Height do hiti di kawawagu.

Nokotindapou nogi ih Kumodo Potunud Koupisan Piuludan Integrasi Nasional Sabah Ester Dingkawan, tupisor kotundaan mogigion DUN 21 Kawang Datuk Juil Nuatim, tupisor piuludan Kota Kinabalu Normalawati Haji Kasim om tupisor piuludan watas Papar Arahn Adang. – Sayangsabah

Komen


Berita Berkaitan