Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Susumikul kolej pointopot pinatai

pelajar dibunuh
KENINGAU: Pulis minopoilo do susumikul kolej minsosondiri ih nabantalan napatai id suang jamban Tupis Watas Keningau pointopot pinatai.
Boyoon Pulis Watas Deputi Superintendan Douglas Taong minoboros do mantad asil ponoriukan pointopot mungui Sairah Fitri Tifanus napatai sasabap tinobok induo id bohogian tikagang tinan dau.
“Maya badah ponoriukan ih pinapanau do Hospital Queen Elizabeth (QEH) id Kota Kinabalu, nabantalan nogi iso bagas nokolonit id piro-piro bohogian turos om tinan di munggi suai ko bagas notobok tokoro id kangkab dau,” ka disio, hiti di baino.
Sasbap dilo, do babaino diti, mingisom o pulis magasu di tulun natandasan montok ponoriukan motif minamatai tumanud Seksyen 302 Kanun Keseksaan sasabap mamatai.
Poingkuro po, ka disi, aiso po nunu-nunu tangkapan do baino diti.
“Puru pulis papanau ponoriukan tosorisid kosuang mokianu kointalangan mantad tambalut om paganakan di mungui montok monguhup ponoriukan,” ka disio.
Sairah, 20, susumikul iso kolej misosondiri id Petaling Jaya, Selangor, mamaso papanau pinsingilaan industri Bohogian Pelesenan Tupis Watas Keningau mantad tulan nakatalib. – Dii NUZIR ANDI SAMSIAR / Sayangsabah

Komen


Berita Berkaitan