Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Susumikul kitaangayan id kaganaan sipoot onuan kosiwatan

athete
KENINGAU: Susumikul kitaangayan id kaganaan di sinuang diolo kosuang kaganaan sipoot, kasasari kaanu kosiwatan mongoi id sodu id kaganaan dilo miampai sakadai om sokodung porinta om nogi swasta.

Timbalan Ponorikohon Komulakan Barisan Nasional Malaysia, Arthur Joseph Kurup, minoboros do monikid kalantaian di naanu do susumikul kasasari onuan pogintangan do porinta om poinsodia monguhup montok papaanu bakat om kinaangayan diolo kotilombus koingkawas montok mamagampot kalantaian.

Sabap dilo ka disio, toiso-iso susumikul apatut mingisom do maganu kosiwatan lolobi kousinan pointantu montok sumiliu lalansanon id toinsanan nayatan sipoot miampai rikot kinalantaian tosonong.

Ka disio, iti kosuang komudahan sikulasip balajaran om nogi sakadai kousinan mantad puru swasta ih manahak kousinan kumaa atlit montok lumansan do pogun.

“Sokiro haro susumikul di kaanu popotood toinsanan tulun, haro kalayakan om komilaan tantu osonong montok do tokou mangapalai toi ko manahak kosiwatan montok diolo,” ka disio.

Minoboros isido miagal dilo id pason kumaa kontigen MSS Zon Pegalan, kopihondot ababayan kopogintutunan om panahakan rasuk-T kumaa 30 atlit. – Sayangsabah

Komen


Berita Berkaitan