Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Susumikul apatut momoguno Internet montok kosuulan balajaran

Mohd Fadzlee (tanga) miampai Monguhup Tupisor Balajaran Watas, Fadzliezan Tingan om Molohingon SMK Menumbok, Mohd Ali Yassin om susumikul mamaramit do sijil id ababayan dilo.
Mohd Fadzlee (tanga) miampai Monguhup Tupisor Balajaran Watas, Fadzliezan Tingan om Molohingon SMK Menumbok, Mohd Ali Yassin om susumikul mamaramit do sijil id ababayan dilo.

BEAUFORT – Komogoton tiknologi kointalangan do babaino diti apatut gunoon tangaanak sikul maganu kointalangan toi ko pomoruhang rujukan montok balajaran diolo.

Sundung do ingkaa, haro sombohogian tangaanak sikul ih kasala momoguno komudahan dilo montok pokirayahan gisom mangawi timpu diolo balajar.

Kumoduo Boyoon Umno Bohogian Beaufort, Mohd. Fadzlee Abdullah minoboros do susumikul lolobi id watas diti apatut lobi monumpuan do balajar om mongingkuri timpu mintong internet.

“Kogumuan do tangaanak sikul di nakalantoi id balajaran sabap haro disiplin dilo soira balajar, suai ko aparu mongulangkaji balajaran id walai om momoguna Internet montok noh balajar mogihum rujukan,” ka disio.

Minoboros isido miagal dilo soira minopotimpuun Ababayan Tadau Graduasi Sijil Tinggi Pelajaran Malaysia (STPM) 2014 montok tangaanak sikul SMK Menumbok, do hiti.

Soginumu 11 susumikul mantad SMK Menumbok ih minirikau poniisan STPM toun nakatalib rinamai id ababayan dilo. – SayangSabah

Komen


Berita Berkaitan