Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Susumangod nokopinsin nakaanu walai wagu

Mohd. Noor (wanan) om Ariffin Mohd. Arif (duo mantad wanan) miampai songulun bagas susumangod ih amu songkuro tinan id ababayan dilo. - foto Aryan De Vera
Mohd. Noor (wanan) om Ariffin Mohd. Arif (duo mantad wanan) miampai songulun bagas susumangod ih amu songkuro tinan id ababayan dilo. – foto Aryan De Vera

MEMBAKUT – Songulun puru Tinimungan Susumangod Malaysia (ATM) Sulaiman Rasiman, 54, nakaanu walau wagu id siriba ponguhupan Strategi Lautan Biru Kabansaan (NBOS 7).
Isido ih nokoumbal papanau karaja madtamong kotungoligan pogun di laid pinili rumamit sakadai nokomoi montok koinsonongon paganakan dau.
Bagas susumangod dilo mantad Kampung Baru, Kimanis, minongunsikou kumaa porinta om minoboros do ilo noh tutungkap dau solonaid 10 toun pakaraja id Batalion Ko-5 Rejimen Renjer Diraja Malaysia mantad toun 1980 gisom nokopinsin di toun 1990.
“Mongunsikou oku mantad kosianan om pingisaman do porinta mamagatangkaraja do bagas-bagas susumangod id suang madtamong kotungoligan pogun diti lolobi kopio id musim komunis,” ka disio id ababayan panahakan Pingat Jasa Malaysia (PJM) id Dewan Serbaguna Membakut, hiti di konihab.
Patahakan do kunsi walai dilo pinotimpuun di Montuhup Montiri id Koupisan Boyoon Montiri ih ponogu Puru Walai Koundangan Pogun (Adun) Membakut, Datuk Ariffin Mohd Arif.
Id ababayan dilo soginumu 20 puru veteran ATM mantad kinoyonon diti ih nokoumbal sumangod musim kumonis nakaanu pingat ih pinatahak di Boyoon Potunud Koupisan Ahal Veteran (JHEV) ATM, Mejar Jeneral Datuk Wira Mohd. Noor Daud. – Dii Aryan De Vera / SayangSabah

Komen


Berita Berkaitan