Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

Susumakai minoposorita timpu koligogon feri nokopitugu

12:50pm 09/01/2016 Maryann 0 views Abal Kinoyonon,Kinoyonon,Kota Kinabalu

feri karam
SEMPORNA: Kakal nororosi om mada nodii sumakai feri koimbagu, wookon noboros di susumakai feri ‘MV Zuhairi Port Kelang’ ih nolondod kalapas nokopitugu iso tongkang id kinoyonon iso kilometer mantad tisan rahat Semporna, totung tadau Kotolu.

Darwisha Desiato Ayub, 47, minoboros do kinaantakan pikikiro jaam 8 totuong dilo, toinsanan susumakai nororosi om haro ih momogiak ‘haro tongkang’ id toguang.

“Amu doti ih kapten kapal nokorongou giniakan di susumakai om nokotugu di tongkang nokomoi,” ka disio soira rinuba maganu habar do hiti.

Darwisha ih wagu poh nokosiap urusan Imigresen id Filipina minoboros do feri nokomoi mogowit susumakai di nakatalib ginumu.

“Apatut nopo daa nga, osopung daa lo feri mamanau nga sabap ogumu sumakai di muli, nakalambat minamanau ilo feri pikikiro jaam 2 sosodopon mantad Bongao,” ka disio.

Feri ih minogowit 160 susumakai, ilo nopo nga 50 tulun Malaysia om 110 tulun Filipina mantad Bongau, Kepulauan Tawi-Tawi, Selatan Filipina pinoruput nokopitugu iso tongkang aiso suang ih amu minapapasang do lampung.

Nakaampai id kinaantakan dilo, 10 susumakai tangaanak om 24 susumakai nosindualan id kinaantakan dilo om nakaramit pongubatan id Walai Pongubatan Semporna.

Daamot dilo, Nordiana Ayub minoboros do kakal isido modosi sabap kinaantakan dilo om amu nodii manu sumakai do feri koimbagu.

Susumakai kiumur 23 toun dilo nosindualan tokuri id longon ponong gibang om nakaanu pongubatan id walai pongubatan Semporna. – BERNAMA

Apa Komen dan Pendapat Anda

Artikel Berkaitan