Sayang Sabah Facebook

Likes
Sayang Sabah Twitter

11,708

Followers

Sayang Sabah - Portal Berita Negeri Kita

Susumaap amu kaanu sumiliu Koporintaan Alternatif: Salleh

1:58pm 02/05/2016 Maryann 1 views Abal Kinoyonon,Kinoyonon,Kota Kinabalu

salleh-600x4501-600x450
KUALA LUMPUR: Susumaap okon nopo ko amu haro wayaan ih gunoon montok sumigampot nga haro struktur di opihoi do papaanu diolo sumiliu koporintaan alternatif miagal di dinawa dau, ka di Montiri Piromutan om Multimedia Datuk Seri Dr Salleh Said Keruak.

Minoboros isido do aiso pirotian pulitik ih naantakan id Selangor soira nopupusan Pomilian Tgayo 2013, sinusuhut pibabakan do Pakatan Rakyat amnu alaid mantad dilo om pinonuridangan do Pakatan Harapan miampai aiso PAS, om do babaino aiso pihunungan id pomilian tagayo pogun Sarawak, popokito do susumaap aiso impohon di gunoon montok lumantoi.

“Soira mimboros tokou karait toiso-iso alternatif, ilo nopo nga kirati iso pilian di miagal, okon ko haro kokurangan. Alternatif mositi pilian koduo, okon ko pilian kalas dua.

“Id suang ahal diti, Pakatan Harapan okon ko pilian koduo sabaagi pongolon do Barisan Nasional (BN) iyolo nopo nga aiso ih haro id BN ilo nopo nga wayaan togirot montok monokodung struktur dau,” ka dii Salleh id blog disio sskeruak.blogspot.com, di konihab.

Tumanud disio, wayaan do BN poingiliu id doktrin piuhupan kuasa dau.

Tumanud dii Salleh, id Sarawak, BN linaang lobi osodu mantad dilo, kosuang pasaga do rayat Sarawak sondiri momonsoi koputusan karait ahal ngawi diolo. – BERNAMA

Apa Komen dan Pendapat Anda

Artikel Berkaitan