Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sunsuion Bandukan kigatang RM8.161 riong, manahak kosuulan kumaa mogigion kampung

Musa Aman manain do plak kopongukaban Sunsuion Bandukan, Keningau. – foto Kalawon Sawing
Musa Aman manain do plak kopongukaban Sunsuion Bandukan, Keningau. – foto Kalawon Sawing

KENINGAU – Mogigion id posorili Kampung Bandukan om Bingkor do hiti kaanu momoguno Sunsuion Bandukan kawawagu kigatang RM8.161 riong sabagi wayaan magayo diolo soira nopongooh di toun nakatalib.

Boyoon Montiri Datuk Seri Musa Aman minoboros do sunsuion soninaru 82 mitor dilo okon nopo ko manahak koinsonongon kumaamogigion kampung nga popotunda ekonomi id kinoyonon Bingkor om papasanang do susumikul mantad Kampung Bandukan.

“Pogulu diti, mogigion id kinoyonon diti osusa mongigit asil pomutanaman diolo lolobi id timpu rumasam,” ka disio kumaa maganu habar kalapas minongukab Sunsuion Bandukan, do hiti.

iti noh kowowoyoon sunsuion Bandukan ih manahak koinsonongon kumaa mogigion id Bingkor. –
foto Kalawon Sawing.

Musa ih ponogi Montiri Kousinan minoboros do pamansaian do sunsuion dilo iso batos om nakatahak noh do porinta Barisan Nasional (BN).

“Iti nopo nga pinokianu mogigion id kinoyonon diti montok mangalai kobolihangkangan diolo om opurimanan do porinta ilo nopo nga koburuon do rayat,” ka disio. – Dii Kalawon Sawing / SayangSabah

Komen


Berita Berkaitan