Sayang Sabah Facebook

Likes
Sayang Sabah Twitter

11,669

Followers

Sayang Sabah - Portal Berita Negeri Kita

‘Sumunsuri yahai sokiro impuunan pirundingan kumaa Sabah’

10:34pm 02/03/2016 Maryann 0 views Abal Kinoyonon,Kinoyonon,Kota Kinabalu

pilipin
KOTA KINABALU: Kuut Takawas Kota Kinabalu di konihab sinunudan do monoruang Kampung Tanduo id Lahad Datu sumumsuri mantad kampung dilo sokiro porinta momonsoi do batos poinsurat do potimpuun pirundingan karait tuntutan kumaa Sabah.

Songulun ih natandasan id suang kiis dilo, Datu Amir Bahar Hushin Kiram, 53, minoboros do pirundungan montok porinta Malaysia, ih nointutundan dau sabaagi Datuk Hamid Bador, minomisunud do boyoon monoruang dilo Datu Agbimuddin Kiram, pirundingan karait tuntutan kumaa Sabah mimpuun soira ih Datu Agbimuddin om tinimungan dau mogidu mantad Kampung Tanduo om muli id Polipin.

“Tamanon ku, Datu Agbimuddin nakasaga do sumunsuri,, ng aka disio miampai iso syarat ilo nopo nga Datuk Hamid Bador minomisunud di luguan montiri mooi momonsoi pijonjian (rundingan karait tuntutan kumaa Sabah) miampai poinsurat,” ka disio.

Datu Amir Bahar, ih minanahak kointalangan id boros Inggeris, monungolig tinan sondiri id sawat duo titondos potimpuun sangod kumaa dii Yang di-Pertuan Agong om siniliu puru iso tinimungan tulun taraag, momili do manahak kointalangan mantad tirikohonon doo sasi.

Ih natandasan minoboros do, minomisunud ih Datu Agbimuddin tinimungan porunding disio (Datu Agbimuddin) om tompinai dau miampai tapa diolo Sultan Punjungan Kiram, nokorikot id Sabah timpuunon toun 1970-an naalap di Boyoon Montiri timpu dilo, Tun Mustapha Datu Harun.

Minogiboboros iyolo karait tuntutan kumaa Sabah miampai di Luguan Montiri kumoiso Tunku Abdul Rahman Putra Al-Haj.

Ka disio, Datu Agbimuddin minoposorita susuyan pogulu, nakalaid poingoin id pogun diti om nopili sabaagi monguhup tupisor waatas Kudat, nga aiso panalasaian winonsoi karait tuntutan kesultanan Sulu kumaa Sabah. – BERNAMA

Apa Komen dan Pendapat Anda

Artikel Berkaitan