Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sumodia tosopung montok tumoguang PRU-14

Musa Aman (baris koduo, tanga) miampai toinsanan momuruan Komulakan, Puteri om Koonduan Umno Sabah. – Foto JKM
Musa Aman (baris koduo, tanga) miampai toinsanan momuruan Komulakan, Puteri om Koonduan Umno Sabah. – Foto JKM

KOTA KINABALU – Boyoon Montiri, Datuk Seri Musa Aman minoposorou kuma toinsanan momuruan Komulakan, Puteri om Koonduan Umno id pogun diti moi kasasari pogirot piuhupan om piuludan montok posodiaan tumoguang Pomilian Tagayo (PRU-14) abantalan.
Isido ih ponogi Ponorikohon Piromutan Umno Pogun minoboros miagal dilo id pirubaan miampai barisan ngawi momuruan do Komulakan, Puteri om Koonduan Umno id Bangunan UMNO, hiti di kawawagu.
Ka disio, kosuul o pingisaman toinsanan puru id suang paati montok mogintong kotilombus kalantoi o Barisan Nasional (BN) id pomilian tagayo dilo.
“Suai koi lo, piuludan om piuhupan id tanga paati ngawi do komponen BN di suai nga kosuul nogi,” ka disio.
Nokotindapou id pirubaann dilo, Boyoon Koonduan Umno Pogun Datuk Armani Mahiruddin; Boyoon Koonduan Normala Rasik om Kumoduo Boyoon Komulakan, Shahelmy Yahya om nogi Boyoon Umno Bohogian Papar, Datuk Abdul Rahim Ismail. – SayangSabah.

Komen


Berita Berkaitan