Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sukarti: Piuhupan mantad toinsanan puru monoibau waya El-Nino

sukarti
KOTA KINABALU: Toinsanan puru mositi manahak ponguhupan tiso om tiso montok monoibau waya El-Nino ih naantakan id Sabah, do babaino diti ka di Monunurat Porinta Pogun Sabah, Tan Sri Sukarti Wakiman.

Minoboros isido do piuhupan mantad toinsanan puru kosuul montok mogintong kowowoyoon dilo amu mogowit waya lobi araat.

“Kowowoyoon miagal dilo okon nopo ko mogowit karaagan do tanom-tanom nga mogowit kososomuan do tawan om kolidasan mogigion,” ka disio.

Minoboros isido miagal dilo id iso kointalangan kalapas minonorikohon mitingan miampai Komiti Pongurusan Korumbakon Posorili Pogun (JPBN) Sabah do hiti di kawawagu.

Id mitingan dilo, nunsub di Sukarti toinsanan Porosidin Kounsil Kakadaian Watas om Tupisor Watas do momoguno toinsanan asset om logistic ih haro mantad montok monoibau kobolihangkangan magadau om kasasarii mogintong amu aantakan modtutud. – SayangSabah

Komen


Berita Berkaitan