Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

SUCCC mingisom monguhup porinta poingkawas ikonomi pogun

Gan Sau Wah (gibang) patahak momento kotonudan puru kumaa di Musa Aman id ababayan angkat sumpah Gabungan Dewan Perniagaan Tiong Hua Sabah (SUCCC). – foto Ille Tugimin.
Gan Sau Wah (gibang) patahak momento kotonudan puru kumaa di Musa Aman id ababayan angkat sumpah Gabungan Dewan Perniagaan Tiong Hua Sabah (SUCCC). – foto Ille Tugimin.

KOTA KINABALU – Piuhupan id tanga porinta om dewan-dewan pongindopuan id Sabah okon nopo ko koponguhup popoingkawas ikonomi pogun diti nga kaanu monguhup mamagampot impohon om pamalanan kotundaan ikonomi porinta montok koinsonongon toinsanan puru.

Boyoon Montiri Datuk Seri Musa Aman minoboros do, piromutan tosonong id tanga koduo-duo puru miagal dilo apatut potilombuson montok popotunda po kawagi ningkokoton ikonomi pogun id timpu anaru.

“Opurimanan ku do piromutan tosonong miagal diti kosuul lolobi kopio id kaganaan kotundaan ikonomi pogun.

“Alansan oku kotilombus sokodung ogirot miagal diti moi kotilombus komogot o ikonomi pogun diti,” ka disio soira minanahak boboroson id ababayan angkat sumpah Gabungan Dewan Perniagaan Tiong Hua Sabah (SUCCC), hiti di songkosodop.

Nokotindapou nogi Kumoduo Boyoon Montiri Datuk Raymond Tan Shu Kiah; Montiri Kotombuluian, Koubasanan om Ahal Misorilo Datuk Masidi Manjun om Speaker Walai Koundangan Pogun Sabah Datuk Salleh Tun Said.

Ka di Musa, otumbayaan isido gabungan do SUCCC do baino diti kaanu papanau tonggungan di lobi kosuul om lobi agayo montok monguhup popogirot piromutan om piuhupan id tanga mogindapu om mogigion Tiong Hua miampai porinta pogun.

Isido ih ponogi Ponorikohon Komiti Kotungoligan Pogun Sabah minoboros manahak o porinta jominan om poindalan karaja goos osonong montok mogintong kotilmbus kowowoyoon di atanang id pogun diri montok kosuulon do rayat.

Damot dilo Porosidin SUCCC, Datuk Seri Gan Sau Wah minamarayou ponguhupan porinta pogun sabab kasasari poposogulu kobajikan do rayat Sabah miampai mingisom mongukab kosiwatan ikonomi montok toinsanan.

Ka disio, gisom baino soginumu 24 tinan Dewan Perniagaan Tion Hua haro id Sabah. –
Dii Sitti Nor Azizah Talata / SayangSabah

 Musa Aman mamaramit pongitanan mantad di Gan Sau Wah id ababayan dilo. - foto Ille Tugimin

Musa Aman mamaramit pongitanan mantad di Gan Sau Wah id ababayan dilo. – foto Ille Tugimin

Komen


Berita Berkaitan