Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

STPM 2014: Sabah minopokito kinoingkawason 1.14 pihatus

 Jame Alip miampai susumikul goos tosonong kinaangayan id STPM Sabah 2014 id SMK Takis, Papar. – foto Monica Gidong

Jame Alip miampai susumikul goos tosonong kinaangayan id STPM Sabah 2014 id SMK Takis, Papar. – foto Monica Gidong

PAPAR – Kinaangayan do koputusan poniisan Sijil Tinggi Persekolahan Malaysia (STPM) pogun Sabah toun 2014 nokoingkawas soginumu 1.14 peratus pihatus piagalon toun pogulu dilo.

Potunud Balajaran Pogun Datuk Jame Alip minoboros do mantad soginumu 6,069 calun di nokoirikau poniisan dilo, 5,903 calu toi ko 97.26 pihatus nakapaas poimponu piagalon 96.12 pihatus toun 2013.

“Mantad bohogian kualiti ih nintangan maya Gred Purata Nilai Kumulatif (GPNK), nga minopokito nogi kinoingkawason mantad 2.36 di toun 2013 kumaa 2.48 di toun 2014, nokoingkawas soginumu 0.mato,” ka disio soira minanahak boboroson id pongumuman koputusan Poniisan STPM 2014 id SMK Takis Papar, hiti di Tadau Koiso.

Minoboros ih Jame, mantad ginumu calun STPM 2014 ih nakatanud id poniisan dilo, ih nakaanu kolulusan poimponu nopo nga 116 calun lima prinsipal (5P), 3,650 calun (nakapaas 4P), 1,149 calun (nakapaas 3P), 593 calun (nakapaas 2P) om 395 calun nakaanu iso prinsipal.

Tumanud disio, ginumu calun nakaanu kinapaasan goos tosonong id toinsanan mato balajaran tumanud Purata Nilai Gred Kumulatif (PNG) nga nokoingkawas 16 tulun di toun 2014 piagalon 15 tulun di toun 2013.

Iyolo nopo nga Fong Jian Yip (SM St.Mary Sandakan), Amirah Abdin (SMK Arshad Kota Belud), O’Nell Abraham Gapitar (Maktab Sabah), Nur Afiqah Roslan (SM La Salle Kota Kinabalu), Jacquline Ebit (SM All Saints Kota Kinabalu), Fionaricca Asui (SMK Bandaraya II Kota Kinabalu), Tania Goh (Sekolah Tinggi Kota Kinabalu), Low Meng Cheong (SMK Mat Salleh Ranau) dan Siti Norain Yukilin (SM Agama Mohamad Ali Ranau).

Mardiana Sirajuddin (SMK Sandakan), Supiah Mohamad (SMK Muhibah Sandakan), Eva Noviantie M.Nasrun (SM.St.Mary Sandakan), Norfazilah Kalimuddin (SMK Elopura Sandakan), Lee Chien Hsien (SMK Tawau), Mohd Arief Salim (SMK Kuhara Tawau) om Lim Choon Yi dari SM St.Patrick Tawau. Toinsanan diolo nakaanu PNGK 4.00.

Ka disio, duo susumikul nakaanu kinapaasan goos tosonong, ih Fong Jian Yip om Amirah Abdin nopili susumikul nakaanu kinapaasan goos tosonong STPM nayatan kabansaan.

Id kinalantaian do sikul, ka di Jame, soginumu 51 sikul id pogun diti nakaanu kinapaasan 100 pihatus. Mantad ginumu dilo 27 sikul labus kakadaian om 24 sikul id kakadaian.

Iti nga nokoingkawas nogi soginumu 16 sikul piagalon 35 sikul toun 2013.

Ka di Jame, wookon nopo sikul dilo nga SMK Takis Papar, SMK Merotai Besar Tawau, SMK Elopura II Sandakan, SMK Putatan Penampang, SMK Jalan Apas Tawau, SMK Kunak, Sekolah Tinggi Kota Kinabalu, SMK Madai Kunak, SMK Tansau Penampang, SM St.Mary Sandakan, SMK Agama Mohamad Ali Ranau, SMK Datuk Peter Mojuntin Penampang, SMK Agama Kota Kinabalu, SM La Salle, SM All Saints Kota Kinabalu, SMK Badin, SMK Tenghilan Tuaran, SMK Tamparuli Tuaran om SMK Tun Fuad Stephens Kiulu, Tuaran. – Dii Monica Gidong / SayangSabah

Komen


Berita Berkaitan