Sayang Sabah Facebook

Likes
Sayang Sabah Twitter

11,733

Followers

Sayang Sabah - Portal Berita Negeri Kita

SPRM mongolim CEO Bank tinahan id Sabah

3:48pm 12/03/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

sprm
KOTA KINABALU: Suruhanjaya Pangantaban Susuap Malaysia (SPRM) Sabah mongolim do puru dau minanahan songulun boyoon tupisor eksekutif (CEO) bank id pogun diti montok monguhup ponoriukan kiis susuap kiginumu RM2 riong.

Potunud dau, Datuk Shaharom Nizam Abd Manap, poingkuro po minopotopot do CEO bank dilo linohou montok manahak kointalangan karait kiis dilo id tupis SPRM do hiti.

“CEO bank dilo amu ginakom om amu tinahan daamot. Nga SPRM minanahan tolu tulun, ilo nopo nga duo tupisor bank om songulun tulun ‘tengah’ ih kikotumbayaan kaampai id kiis dilo.

“SPRM minomolohou CEO bank dilo montok mokiilo om mokianu kointalangan karait kiis susuap dilo,” ka disio soira rinomut do Bernama, do hiti di konihab.

Minoboros isido miagal dilo soira pinokianu mongulas karait dawaan songulun CEO bank wookon tolu tulun dii tinahan do SPRM karait kiis susuap dilo.

Songkosodop, pinoruput do songulun tupisor bank kiumur 49 toun tinahan daamot turu tadau montok monguhup ponoriukan do SPRM karait kiis susuap dilo.

Pogulu dilo, songulun tupisor bank kiumur 31 toun om songulun tulun toomod kiumur 41 toun nga tinahan daamot turu tadau. – BERNAMA

Apa Komen dan Pendapat Anda

Artikel Berkaitan