Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

SPR pinokianu pointalang atag popoimbulai korusi kawawagu

ROSNAH PAPAR
PAPAR – Suruhanjaya Pomilian Tagayo (SPR) pinokianu do manahak kointalangan tosorisid karait kinoyonon di kaampai id suang atag kopoimbulaian korusi kawawagu Walai Koundangan Pogun (DUN) Limbahau id kinoyonon Parlimen Papar.
Kumoduo Montiri Karaja Tag ayo Datuk Rosnah Abdul Rashid Shirlin minoboros do kosuul o kointalangan mantad SPR dilo sokiro papaampa piolitan do sombohogian mantad kinoyonon DUN Pantai Manis om Kawang.
“Mamaramit oku atag do popoimbulai korusi kawawagu dilo sabap kaanu momonu koporluan om kopokionuan pongundi, nga mokianu oku kointalangan mantad SPR karait agat diti.
Suai ko ilo, kointalangan tosorisid dilo nga apatut kapaampai duo po kawagu kinoyonon DUN id Parlimen Papar sokiro piolitan kawagu dilo popohompit sombohogian kinoyonon id koduo-duo DUN nokomoi,” ka disio soira rinomut id pamaramaian Maulidur Rasul Kampung Anak, hiti di konihab.
Minoboros isido soira pinokianu mongulas atag do SPR montok popoimbulai iso po kawagu korusi wagu id Limbahau id Parlimen Papar ih poposiliu koturu kinoyonon wagu numaan paatago kumaa yang SPR id suang piolitan kawagu kinoyonon pomilian tagayo Sabah.
Wokon nopo korusi kawawgu ih pinaatag kosuang nogi Darau id Parlimen Sepanggar, Mengkabong id Tuaran, Pandasan (Kota Belud), Sepagaya (Lahad Datu), Langkon (Kota Marudu) om Bukit Garam di Kinabatangan.
Do babaino diti, Sabah haro 60 korusi DUN om 25 kinoyonon Parlimen. Tohuri woninsoi piolitan nga di toun 2003. – Dii Aryan De Vera / SayangSabah

Komen


Berita Berkaitan