Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Soriuko totopot upalai rayat miampai ososonong

Radin Malleh miampai UPPM om puru ngawi PBS Melalap id ababayan dilo.
Radin Malleh miampai UPPM om puru ngawi PBS Melalap id ababayan dilo.

TENOM – Bohogian Momuruan Kotundaan Mogigion (UPPM) apatut lobi mimparagat, obinsianan om osuau kumaa rayat montok mamagayat sokodung do rayat kumaa porinta.

Montiri Kotundaan Labus Kakadaian Datuk Radin Malleh minoboros do id mamaso diti, UPPM lolobi id kinoyonon Melalap apatut popilipat karaja montok papalantoi kotundaan ih pinalan do porinta montok manahak koinsonongon mogigion watas nokomoi.

“Suai ko monguhup papanau karaja lalansanon do rayat id watas nokomoi, UPPM nga apatut monoriuk om monorisid totopot toiso-iso upalai ih pinatahak do mogigion montok mogintong ih noh mogigion alayak kaanu sakadai porinta,” ka disio.

Minoboros isido miagal dilo id ababayan santai om Tadau Paganakan UPPM Melalap, id Longkod Rekreasi Fatt Choi, Tenom, hiti di kawawagu.

Radin ih ponogi Kumoduo Porosidin Parti Bersatu Sabah (PBS) minoboros do pomorisaan di otolotok kumaa toinsanan apalai kaanu mangalai koimbulai pomusarahan amu osonong id tanga mogigion kumaa tonggungan do UPPM. – SayangSabah

Komen


Berita Berkaitan