Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sorisido karalanon manalasai kobolihangkangan walai pulis

zahid hamidi

TAWAU – Pogintangan tosorisid apatut papanahon montok manalasai kobolihangkangan pomuwalaian pulis, lolobi id kinoyonon labus kakadaian, ka di Montiri Suang Pogun Datuk Seri Dr Ahmad Zahid Hamidi.

Minoboros isido do kosuul o ahal dilo montok mogintong kopio toinsanan tupisor om puru pulis kaanu komudahan di tosonong om id kopotutan.

“Toinsanan tupisor om puru pulis, id kakadaian toi ko id labus kakadaian haro kopotutan kaanu komudahan dit tosonong. Sabap dilo papanahon tokou pogintangan tosorisid montok manalasai kobolihangkangan dilo,” ka disio.

Minoboros isido miagal dilo kumaa maganu habar kalapas minapaharo tombului karaja id Pulau Sebatik, somok hiti di songkonihab.

Tumanud disio, id mitingan montiri ngawi di minggu nakatalib, Luguan Montiri, Datuk Seri Najib Tun Razak minanahak poruntukan pomoruhangan montok monginsonong walai pulis om susumangod.

“Sundung potuu nakatahak noh porinta porunttukan dit ogumu montok monginsonong do walai pulis om susumangod, soginumu RM100 riong toun diti nga poruntukan dilo amu kabagal montok monginsonong om nogi popoingkawas komudahan di haro mantad. – BERNAMA

Komen


Berita Berkaitan