Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Soginumu 4,864 PATI ginakom id karaja miuhup gisom 25 tulan Koonom Esszone

pati-sayangsabah

KOTA MARUDU: Soginumu 4,864 tulun modidikot songkosuaian aiso kasagaan (PATI) ginakom id suang karaja miuhup ih nulud do puru Kinoyonon Kotungoligan Poimbida Tisan Kosilahon Sabah (Esscom) id onom watas Zon Atampsi Kosilahon Sabah (Esszone) mantad tadau ko-2 tulan Koiso gisom 25 tulan Koonom toun diti.

Potunud Longkod Oporasi Esscom Brig. Jen Datuk Roslan Ismail minoboros do tangkapan goos ogumu pinosurat id Tawau ilo nopo nga soginumu 1,671 tulun, tinanud id Sandakan (976), Semporna (858), Lahad Datu (676), Kunak (371) om Kudat (312 orang).

Ka disio, toinsanan di tinahan, pinorujuk kumaa Koupisan Imigrisin montok laang potilombus.

“Karaja miuhup dilo tinanud mogisuai suai puru monguasa pogun om pisompuruan, sombohogian mantad laang okodou ih naanu do porinta montok manalasai kobolihangkangan PATI id Sabah lolobi id Esszone. Iti popokito pingisaman doporinta madtamong kotungoligan rayat pogun diti,” ka disio.

Minoboros isido miagal dilo soira minanahak boboroson id ababayan mongukab puasa pinaanjur do Esscom id Masjid Al-Islah Addiniah Kampung Marudu Laut, somok hiti di konihab.

Minoboros ih Roslan do karaja miuhup dilo nokito nakaanu waya tosonong popoguli dominasi mogindapu sorokoro koro kinoyonon id pasar-pasar id kakadaian tagayo id onom watas dilo suai ko mongingkuro karaja ponoludupan.

Ka disio, karaja dilo mangan populio id watas-watas suai id Esszone montok mogintog kopio zon dilo koidu mangad PATI. – BERNAMA

Komen


Berita Berkaitan