Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Soginumu 22,363 kadai pinorisa id Ops Catut

giant
KOTA KINABALU: Soginumu 22,363 kadai mogindapu pinorisa id Ops Catu ih pinapanau do Koupisan Pidagangan Suang Pogun Kopoerasi om Momoguno (PPDNKK) Sabah, poimpuli pogun diti.

Mantad ginumu dilo, soginumu 68 kadai noontok do kompaun sabap mogisuai-suai kasalaan kosuang 10 notis pinosoliwan id siriba Seksyen 21 Akta Kawalan Harga & Anti Pencatutan 2011.

Tupisor Monguasa PPDNKK Sabah, Fredeck Kantod minoboros do, Ops Catut pinapanau montok porsodiaan do KPDNKK tumoguang kopoindalanan Sistom Sukai Barang om Kotorinaan (GST) ih koimpuun tadau ko-1 tulan Kaapat abantlan.

“Operasi nopo diti nga laang okodou mantad komontorian montok mogintong kopio aiso mogindapu id pogun diti I poposiliu GST sabagi alasan do popoingkawas gatang kakamot dagangon diolo,” ka disio kumaa maganu khabar kalapas minomuruan Operasi Catu id posorili kakadaian Putatan, hiti di, baino.

Tumanud di Fredeck, mantad tadau ko-1 tulan Koiso gisom baino, amu poh o PPDNKK Sabah nakaramit nunu-nunu kumpilin mantad momoguno karait kinoingkawason gatang.

Poingkuro po ka disio, PPDNKK tumilombus do mogintong id kinoyonon ngawi pongindopuan om padagangan ih osiliu tumpuan tulun ginumuan.

‘Iti nopo nga laang potilombus id suang pingisaman do monungolig momoguno mantad karaja sombohogian mogindapu ih tumumod popoingkawas gatang kakamot dagangon diolo,” ka disio.

Ka di Fredeck,tulun ginumuan milo manahak ruputan potilombus kumaa KPDNKK id numbur 1-800-886-800 atau 088-484500. – Dii Nuzir Andi Samsiar / sayangsabah

Komen


Berita Berkaitan