Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Soginumu 145 saman pinalabus kumaa momoguno talun alun

Puru pulis trafik mamaso momorisa surat kointalangan mantad momoguno talun alun id pangantaban dilo.
Puru pulis trafik mamaso momorisa surat kointalangan mantad momoguno talun alun id pangantaban dilo.

KOTA KINABALU – Soginumu 145 koping saman trafik, pinosoliwan kumaa papanau ngawi do bas sabap mogisuai-suai kasalaan talun-alun id pangantaban talun-alun id Ralan Coastal, hiti di minsusuab tadau Minggu nakatalib.
Pangantaban talun alun notimpuunan jam ko 2 minsusuab gisom jam ko 4 kosuabon, minapaampai panahanan tolu tulun tumanud Seksyen 45A Akta Pengangkutan Jalan 1987 sabap papanau korita id siriba pangaru tiinumon kaauk di poinoindamaan.
Tumanud kointalangan Pulis Trafik Kota Kinabalu, soginumu 27 tinan padsakaian om 17 motorsikal pinorisa id suang karaja dilo.
Karaja nokomoi minapaampai 14 puru om duo tupisor pulis trafik Kota Kinabalu om nogi songulun tupisor mantad longkod tupis pulis Kontinjen.
Ka disio, iso motorsikal Honda Wave kikotumbayaan momoguno numbur porijistaan pilasu om songulun kusai kinoyonon kiumur 21 toun tinahan montok soriukon tumanud Seksyen 108 Akta Pengangkutan Jalan 1987. – Dii NUZIR ANDI SAMSIAR / Sayangsabah

Komen


Berita Berkaitan