Sayang Sabah Facebook

Likes
Sayang Sabah Twitter

11,726

Followers

Sayang Sabah - Portal Berita Negeri Kita

SM Sains Lahad Datu sikul goos tosonong kinapaasan SPM id Sabah

1:18am 04/03/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

smk lahad datu
KOTA KINABALU: Koputusan Sijil Pelajaran Malaysia (SPM) ih pinoumum konihab minopokito Sikul Mananga (SM) Sains LahaD Datu sabaagi sikul cemerlang SPM om goos tosonong poimpuli pogun Sabah toun 2015 miampai kinalantaian Gred Purata Sikul (GPS) 2.45.

Wookon nopo sikul di nakangaran id ningkokoton 10 goos tosonong sabaagi sikul cemerlang SPM toun 2015 nopo nga SM Sains Kota Kinabalau (GPS 2.60), SM St. Micheal Penampang (GPS 3.97), SMK Agama Kota Kinabalu (GPS 3.36), SM All Saints Kota Kinabalu (GPS 3.68), SM Ugama Islamiah Tawau (GPS 3.71), SMA Tun Ahmadshah Kota Kinabalu (GPS 3.86), SM St. John Patrick Tawau (GPS 3.95) om SMK Perempuan Sandakan miampai nilai GPS 3.96.

Calun di nakaanu koputusan goos tosonong id pogun diti nopo nga ih Netta Lee Hui Ying susumikul SM All Saints Kota Kinabalu miampai nakaanu koputusan 9(A+) 1(A) 1(A-).

Wookon nopo calun di nakaanu kinapaasan tosonong id 10 ningkokoton goos tosonong id pogun diti nopo nga ih Young Xin Yee 9(A+) 1(A), Michelle Soo Hsiao Wei 8(A+) 2(A), Joriana Ginawoi 8(A+) 2(A), Liew Teck Vui 8(A+) 2(A), Jesper Leonard Vun Kien Fung 8(A+) 2(A), Jasper Ng Chun Wie 8(A+) 1(A) 1(A-), Priscilla Chin Jing Wen 8(A+) 2(A-) om Teo Yun Qi 7(A+) 4(A).

Id poniisan SPM 2015, soginumu 58 mato balajaran naanu om mantad dilo soginumu 24 mato balajaran nakaanu kalantaian 100 pihatus nakapaas om 17 mato balajaran nokoingkawaas piagalon 7 mato balajaran di tooun 2014.

Koputusan dilo pinoumum dii Potunud Balajaran Pogun Sabah Datuk Jame Alip id SMA Kota Kinabalu, konihab.- Dii Leolerry Lajius/Sayang Sabah

Apa Komen dan Pendapat Anda

Artikel Berkaitan