Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Skyline pikikiro miuhup miampai UMS

11:33pm 18/01/2016 Maryann 0 views Abal Kinoyonon,Kinoyonon,Kota Kinabalu,Momolihis

skyline ums
KOTA KINABALU: Kumponi posoliwan om produk pomolihis kreatif, Skyline toi ko Skylaser Enterprise Sdn Bhd pikikiro papanau piuhupan miampai Universiti Malaysia Sabah (UMS) id timpu oruhai diti.

Ponorikohon Pengerusi Skyline Enterprise Sdn Bhd, Datuk Verdon Bahanda minoboros do piuhupan miagal dilo nopo nga montok maganu produk-produk miagal sinding, lirik om filem di kikualiti om nogi mogihum bakat-bakat kawawagu.

“Iti nopo nga iso kosiwatan tagayo kumaa pongkarya-pengkarya kinoyonon do miampai tumunda miampai osonong id pomorunan diti om posiliu Skyline sabaagi impohon diolo.

“Do babaino diti ogumu kopio bakat-bakat kinoyonon kreatif haro kinapaasan sijil, diploma om ijazah id kaganaan pointantu. Iyolo diti noh ih onuon dahai miuhup miampai Skyline do palabus karya om potilombus potunda diolo id pogun diti,” ka disio.

Sabap dilo, Monontuduk Filem UMS, Prof Madya Zairul Anuar Md Dawam minoboros do puru UMS mamaramit tosonong sokiro haro hombo-hombo kumponi produksi id Sabah miagal Syarikat Skyline ih poinsodia papaapu om kaampai id pomorunan maya potilombus. – Dii Elezebeth Esther/ SayangSabah

Apa Komen dan Pendapat Anda

Artikel Berkaitan